Sa kasidlak sa adlaw
Sa kaalaot sa uwan
Lisod nga atong makaplagan
Ang kanindot sa balatian..
Sa matag singot nga sa atong dagway mutulo
Ug sa atong paka-bati ug ka-uhaw
Mao kini ang atong makutlo
Sa panahon sa ting-huwaw..
Sa kamala sa kayutaan
Ug sa kahubas sa mga katubigan
Angay lamang unta nga atong timan-an
Nga sa tumoy sa ka-huwaw,
MOBUNDAK ANG DAKONG UWAN..
No comments:
Post a Comment